22. Udako Topaketa Pedagogikoetan 31 ikastaro eskainiko ditu Hik Hasik, eta horietatik 15 berriak dira. Lehen Hezkuntza Eraldatzen ikastaro bereziaz gain, Joxe Mari Auzmendi Hezkuntza Bekan Aipamen Berezia jaso zuen proiektua landuko dute Jakin-min elkarteko Imanol Alvarezek eta Garikoitz Moyak Hausnarketa lantzen elkarrizketa kooperatiboaren bidez ikastaroan; Ane Ablanedok lehendabiziko aldiz Neurosiaren prebentzioa ikastaroa eskainiko du; Maite Ruizek Montessoriren pedagogiaz eta metodologiaz; David Herndersor eta Eguzkiñe Jorrinek Natura eskura; euskarari loturiko ikastaro berri ugari izangno dira, eta baita matematika, fisika eta kimikari loturikorik ere. Informazio guztia eta izen-ematea: http://hikhasi.eus/formazioa
Hauek dira ikastaro berriak:
Neurosiaren prebentzioa bizitzaren hasieran. Ane Ablanedo
Haurtzaroan bidelagun Montessori ikuspegitik. Maite Ruiz
Natura eskura. David Herndersor eta Eguzkiñe Jorrin
Hausnarketa lantzen elkarrizketa kooperatiboaren bidez. Imanol Alvarez eta Garikoitz Moya
Heziketa eta astrologia psikologikoa. Iraultza pedagogiko bat. Izaro Susperregi
Eskola kirola, gogoeta kolektiborako tresna. Oinherriko kideak eta esperientziak
Sormenean hezi, kulturan bizi. Gotzon Barandiaran, Iratxe Retolaza, Ion Celestino
Lanketa pertsonala. Ainhoa Gorostidi
Gamifikatu… eta irabazi! Iera Arrieta
Matematika eskuetan, goazen jolastera! Izaskun Baro
Fisikaren eta kimikaren ikaskuntza Lan Praktikoen bitartez (IKDi3 eredua). Jose Maria Etxabe