Apirilaren 10etik 13ra Bartzelonako hainbat Haur-Eskola ezagutzera joango da hik hasi. Talde txikitan eskolak behatu, hausnartu eta iritziak trukatuko ditugu. EGITARAUA: Hilaren 10ean, asteartean, Donostiatik Bartzelonara joango gara; 11n, 12an eta 13an hango eskoletan murgildu, eta, 13an arratsaldean Donostiara bueltan etorri.
Hiru eskola bisitatuko dira: Josep Miquel Céspedes (San Adrià de Besòs), Cavall Fort (Sant Cugat del Vallès) eta Lar d´Infants Cascavell (Bartzelona hiria). Partaide bakoitzak hiru eskola bisitatzeko aukera izango du.
Horrez gain, Infancia aldizkariko arduradunekin bilera izango dugu Rosa Sensat-en bulegoetan.
PREZIOA: 435 €. Norbanako harpideak: 385 €
Prezioan Kataluniara joan-etorriko bidaia, autobusez, eskoletako bisitak, ostatua Bartzelonan (2 edo 3ko logeletan) eta gosaria sartzen da.
Inork banako logela nahiko balu, 50 € gehiago ordaindu beharko du.
Izena emateko azkeneko eguna: martxoaren 16a.
