Eusko Jaurlaritzaren Hezkuntza, Hizkuntza Politika eta Kultura Sailak "Hezkuntza-eredu pedagogikoaren Markoa" aurkeztu die hezkuntza eragileei.Markoa finkatuta, curriculumen dekretuak prestatzeari ekingo zaio. Horretarako, jarraituko den egutegia azaldu zaie eragileei.
Markoak bost atal ditu:
1. Oinarrizko hezkuntzaren xedeak eta ikaslearen irteera-profil orokorra.
2. Curriculum-ereduak.
3. Metodologia.
4. Ikasleen ikaskuntza ebaluatzea.
5. Hezkuntza-eredu pedagogikoa ezartzeko eta hobetzeko ildo estrategikoak.
Curriculum dekretuak prestatzeko EGUTEGIA:
Lehen curriculumak 2015-16 ikasturterako prestatzeko asmoa agertu du Jaurlaritzak. Hori lortzeko, halako egutegia aurreikusten du:
- 2014ko ekainerako edukia prestatu.
- Ekainetik urrira bitarte, eragileekin kontraste-lana egin.
- Abenduan edo 2015eko urtarrilean Gobernuan aztertzen hasi.