Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.
2021/04/23
Astelehenean ama eskoletako eta lehen mailako ikasleak itzuliko dira ikasgeletara Ipar Euskal Herrian
Martxoaren 31n erabaki zuen Frantziako Gobernuak lau asteko konfinamendua ezartzea, eta ikastetxeak ixtea. Orain, eskola ixteak eragiten dituen kalte pedagogiko eta psikologikoak aintzat hartuta, eta era berean, osasun egoera arin bada ere, hobetzen ari dela ikusirik, ikastetxeak irekitzen hasiko dira astelehenean Ipar Euskal Herrian. Maiatzaren 3an itzuliko dira kolegio eta lizeoetan, “modu hibridoan”, Jean Michel Blanquer Frantziako Hezkuntza ministroak aurreratu: erdiak ikasgelan izanen dira, eta beste erdiak, etxean. Positibo kasu bat gertatzen den bakoitzean, ikasgela oso itxi egingo dute. Ahal den heinean, klaseak eta jarduerak aire zabalean egitea eskatu dute.
