Atzo aurkeztu zen Legebiltzarrean azken hilabeteetan mamitzen ari den curriculum dekretu berria. Hainbat eragilek kritikak egin ditu horren aurrean, eta Sailburuak “ñabardurak” soilik direla esan zuen.
Astelehenean Sortzen-ek eginiko agerraldian, EAEko curriculum dekretua eta Euskal Curriculuma ez direla gauza bera argitu nahi izan zuten. Hezkuntza Sailak egiten dituen aurkezpenetan EAEko dekretuari Euskal Curriculum izena ematen diola salatu zuten eragileko kideek eta EAEko dekretuaren ardatza LOEn eta Konstituzio espainiarrean dagoela diote.