Donamartirin, Arberoan, Nafarroa Beherean zabaldu du Seaskak bere 26. ikastola. Hamar bat haur hasiko dira ikastolan, eta datorren urtean, 15 bat ikasle izango direla espero dute. Heldu den urtean 27 ikastola izanen ditu Seaskak, Bidarten, Lapurdin beste bat zabalduko baitute.
Datorren igandean, azaroaren 30ean, Ordiziko Ikastola, Ziburuko Kolegioa, Hazia Elkartea eta Urruñako Ikastolak antolaturik jaialdi berezia egingo dute Urruñan. Arratsaldeko 16:00etatik aurrera, Oskorri taldearen emanaldia izango da, Urruñako haurrak kantari eta Legazpiko banda lagun direlarik.