Arabako, Bizkaiko eta Gipuzkoako ikastetxe publikoetako jantokietan azpikontratatuta ari diren langileen gehiengoak greba egin zuen atzo, asteartean bezala. Euren lan baldintzak eta soldatak Eusko Jaurlaritzaren kontratupean dauden langileen baldintzekin parekatzea eskatu dute.
Matrikulazioak utzitako datuen arabera, Lehen Hezkuntzako ikastetxeen erdia elebiduna da Lapurdin, Nafarroa Beherean eta Zuberoan. Euskararen Erakunde Publikoaren (EEP) arduradunak gustura agertu dira bilakaera horrekin, eta emaitza horiek gainerako mailetara zabaltzeko nahia adierazi dute.