Albistea

Batuz aldatu: heldu da hizkuntza-politiketan jauzia egiteko ordua

Batuz aldatu: heldu da hizkuntza-politiketan jauzia egiteko ordua

Batuz aldatu izena hartuko du hemendik aurrera Euskalgintzaren Kontseiluak hizkuntza-politiketan eragiteko adostasun sozialen ekimenak, eta jauzia izan da ekainaren 19ko ekitaldian zehar azken hilabeteotan garatutako prozesua irudikatzeko baliatu zen irudia. Izan ere, Kontseiluko idazkari nagusi Paul Bilbaok esan bezala, «hizkuntza-politiketan jauzia egiteko garaia zela esan genuen duela hilabete batzuk, eta jauzia egitera goaz». Bertan zen HIK HASI egitasmo pedagogikoa ere, Kontseiluko bazkide gisa.

Albistea

Frantziako Konstituzio Kontseiluak murgiltzearen debekuak Seaskari ere eragiten diola ebatzi du

Frantziako Konstituzio Kontseiluak, larunbatean erabakia aldau zuen: murgiltze eredua Seaskaren Ipar Euskal Herriko ikastoletan ere debekatu egin du. Maiatzaren 21eko ebazpenaren argudioa garatu du Frantziako Kontseilu Konstituzionalak eta haserai batean azaldurikoaren arabera, inkonstituzionaltasuna soilik hezkuntza publikoari zegokion, ez eragile pribatu, ikastola edo eskola katolikoei. Alabaina, larunbatean beste ebazpen bat argitaratu zuen, Seaskaren egiteko moldearen aurka.

 

Hik Hasi

Artea tresna, emozioak langai

Artea tresna, emozioak langai

Lan hau ikasgelaren hezkuntza-testuinguruan hezkuntza emozionala barneratzeko beharra ikusita sortu da, eta, batez ere, hura hobetzen lagunduko duten forma eta baliabide metodologiko berriak biltzearen ondorioz. Proposamenaren zati garrantzitsuak dira emozioen azterketa eta hezkuntza emozionala, eta arte-sorkuntzen ardatz nagusiaren inguruan daude biak. Haurren nortasunaren garapena eta heldutasuna bultzatzeko, eremu emozionalak garrantzi handiagoa izatea proposatzen du egileak. Adierazpen sortzaileak hezkuntza-ekintza bultzatzen duen prozesu gisa dituen aukerak esperimentatzea izan da egilearen erronketako bat, artean emozioak hezteko heztea. Egilea: Eukene Goikoetxea. Gizarte Hezkuntzan graduatua

Albistea

Hainbat ikastarotan izena emateko aukera dago oraindik

Udako Topaketetan egingo diren ikastaroek kopuru mugatuak izango dituzte, baina oraindik lekua dago hainbat ikastarotan, eta izena emateko aukera egongo da horietan. Uztailaren 5ean, 6an eta 7an izango dira ikastaro guztiak, EHUren Donostiako HEFA fakultatean ( HEFA -I eta HEFA II eraikinetan) izango dira 9:00etatik 14:00ak arte. Uztailaren 5ean, 16:30ean, 2. Hausnarketa Kolektiboa egingo dugu

Hik Hasi

Andrea Khalfaoui: "Neska ijitoen ikasketa-maila hobetzera bideratu behar ditugu indarrak, debateak alboratuta”

Andrea Khalfaoui: "Neska ijitoen ikasketa-maila hobetzera bideratu behar ditugu indarrak, debateak alboratuta”

Gasteizko Sansomendi ikastetxean kokatu du bere doktorego tesia Andrea Khalfaoui Larrañagak (Donostia, 1993). Ikas-komunitatea den ikastetxe horrek lortzen dituen emaitza akademiko eta sozialak Hezkuntza Jarduera Arrakastatsuen bidez erdiesten ditu eta horietako jarduera batean zentratu da Deustuko Unibertsitateko irakaslea: talde elkarreragileetan. Ikasle gehienak ijitoak diren ikastetxe publikoko Haur Hezkuntzako praktika ikertu du aurrez gaiaz Lehen Hezkuntzan eta Derrigorrezko Bigarren Hezkuntzan nazioartean egin diren ikerketei ekarpena eginez. Funtzionatzen duen eta funts zientifikoa duen praktikan oinarritu behar dela ikusi du ikerlariak eta bereziki neska ijitoetan jartzen du arreta. Diskriminazio hirukoitza jasaten duten ikasle horien ibilbide akademikoa sendotu behar dela dio, aurreiritziak gaindituz. 

Albistea

Joxe Mari Auzmendi hezkuntza bekaren lehen deialdia aurkeztu dute Hernanin

Joxe Mari Auzmendi hezkuntza bekaren lehen deialdia aurkeztu dute Hernanin

Hernaniko udaleko alkate Xabier Lertxundi, hezkuntza zinegotzi Oier Agirresarobek, Joxe Mariren alaba Izaro Auzmendik eta Hik Hasiko Mikel Agirrezabalak eta Ainhoa Azpirotzek aurkeztu dute beka.

Hernaniko alkate Xabier Lertxundik adierazi duen bezala, Euskal Herrian aitzindaria izango den beka baten berri ematen dute gaur Hernaniko Udalak, Joxe Mari Auzmendiren familiak eta HIK HASI egitasmo pedagogikoak. Joxe Mari Auzmendik bere ibilbide osoan jorratu zituen lau hezkuntza balioren inguruko  proiektuak lagunduko ditu Hernaniko Udalak eta HIK HASIk sustatuko hezkuntza bekak: hobekuntza pedagogikoa, euskara eta euskal kulturaren biziberritzea; herri hezitzailea eta inklusioa

Joxe Mari Auzmendiri egindako aitortza eskertu du Izaro Auzmendik familiaren izenean, “nahiz eta bera ez zen errekonozimendu zalea”. Eskerrak eman dizkie Hernaniko Udalari eta batez ere herriari.