Dekalogo bat aurkeztu du LABek EAEko Hezkuntza Itunerako proposamen gisa

Dekalogo bat aurkeztu du LABek EAEko Hezkuntza Itunerako proposamen gisa

Hezkuntza Itunaren inguruko eztabaida ireki da EAEn eta, era berean, gogoeta Euskal Herri osora zabaltzeko ekimenak abian jarri dira. Honen aurrean, LAB sindikatuak bere irakurketa plazaratu du asteon Bilbon egindako agerraldian, Garbiñe Aranburu idazkari nagusi eta Irakaskuntzako arduradun Irati Tobarren eskutik. Hala, akordioari begirako LABek dekalogo bat aurkeztu du. Segregazioa gainditzea, murgiltze eredu orokortua ezartzea, ituntze unibertsalarekin amaitzea eta finantziazio publikoa baldintzatzea, titularitatean eragitea eta hezkuntza langileen baldintzak hobetzea dira LABen eskakizun nagusienak.

Greba eguna dute gaur Ipar Euskal Herriko Hezkuntza alorrean

Astebetean ikastetxeetako protokoloa hiru aldiz aldatu izanak grebara eraman du hezkuntza komunitatea Ipar Euskal Herrian. Irizpide argiak eskatzen dituzte LAB, FSU 64, SE-UNSA 64 eta FNEC-FP-FO 64 sindikatuek eta guraso elkarteek ere bat egin dute deialdiarekin. Jarraipen biziki zabala espero dute deitzaileek. Langile gehiago eta ikasle batek positibo ematen duenean ikasgela osoa ixtea ere aldarrikatzen dute.

Pirritx, Porrotx eta Marimotots omendu ditu Korrikak, 34 urtetan euskarari erakutsitako konpromisoagatik

Pirritx, Porrotx eta Marimotots omendu ditu Korrikak, 34 urtetan euskarari erakutsitako konpromisoagatik

AEK-k eta Korrikak Pirritx, Porrotx eta Marimotots omendu dituzte, euskararen alde "azken 34 urteetan adierazi duten konpromisoagatik". Gure Zirkuaren karpan egin zuten omenaldi-ekitaldia urtarrilaren 7an, Tolosan. AEK-ko kideek eta HIK HASI egitasmo pedagogikoko Mikel Agirrezabalak eman zizkieten oroigarriak Joxe Mari Agirretxeri, Mertxe Rodriguezi eta Aiora Zulaikari.

Itunpeko eskolak hamar urtean publiko bihurtzea proposatu du Elkarrekin Podemos-IUk

Itunpeko eskolak hamar urtean publiko bihurtzea proposatu du Elkarrekin Podemos-IUk

Hezkuntza itunari begira, Araba, Bizkai eta Gipuzkoarako «diskriminazioari aurre egiteko eta ikasleak euskalduntzeko tresna eraginkorra izango den hezkuntza eredu hobea» aurkeztu du Elkarrekin Podemos-IU koalizioak: 80 proposamen berdintasunezko euskal eskola publiko integral baterako izeneko dokumentua. Itunpeko eskolak hamar urtean publiko bihurtzea proposatu du eta hizkuntza ereduak gainditzea.

Hezkuntza hitzarmenaren oinarriak zehazteko ponentzian parte hartu du Hik Hasik Eusko Legebiltzarrean

Hezkuntza hitzarmenaren oinarriak zehazteko ponentzian parte hartu du Hik Hasik Eusko Legebiltzarrean

Etorkizuneko euskal hezkuntza-sistemari buruzko hitzarmenaren oinarriak zehazteko ponentzian parte hartu du Hik Hasik Eusko Legebiltzarrean. 2023rako aurreikusita dagoen Hezkuntza Legearen aurretik Hezkuntza Akordioa egiteko asmoa du Eusko Jaurlaritzako Hezkuntza Sailak, eta horretarako, Legebiltzarreko Hezkuntza Batzordean hainbat eta hainbat hezkuntza eragile euren ikuspuntua mahai gainean jartzen ari dira. Atzo Hik Hasiren txanda izan zen, egitasmo pedagogikoko Ainhoa Azpirotz eta Uxue Ugartemendia izan ziren Legebiltzarrean. Kalitatezko hezkuntza bermatzeko zoru pedagogiko eta etikoa: hezkuntza hobetzeko gakoak aurkeztu zituzten bertan lege berrirako ekarpen gisa.