OinHerri, herri hezitzaileen jardunaldia

OinHerri, herri hezitzaileen jardunaldia

OinHerrik antolatuta, maiatzaren 21ean herri hezitzaileen jardunaldia egingo da Zestoako Herri Ikastetxean.
Herrietan haurrekin eta nerabeekin egiten ari diren hainbat praktika hezitzaile eta parte-hartzaile aurkeztuko dira, haien gainean gogoeta egin eta aurrera begira nola saretu aztertuko da.
Izena emateko epea, maiatzaren 15 artekoa da.

REGGIO EMILIAko eskola ezagutzen

REGGIO EMILIAko eskola ezagutzen

REGGIO EMILIAko Lehen Hezkuntza ezagutzen
Italiako Reggio Emiliako Udal Haur Eskolek, 0-6 urte ­artekoek, ospe handia dute mundu osoan. 50 urteko ­ibilbidea egin eta gero, duela 6 urte, Lehen ­Hezkuntzako proiektua garatzen hasi ziren. Prozesua amaiturik, garai egokia da Lehen Hezkuntzako proiektu horren ­ezaugarriak eta garapena nolakoa izan den ezagutzeko.
Horretarako, jardunaldia antolatu dugu APIRILAren 16an, larunbata, 9:00etatik 18:00etara, DONOSTIAn

Aurkezpen orokorra:
- Eskolaren ezaugarriak.
- Haur Hezkuntzako filosofia Lehen Hezkuntzara nola
eraman den.
- Lehen Hezkuntzako berezitasunak.

Loris Malaguzzri eskola ezagutuko dugu, 3-11 urte bitarteko ­haurrekin garatutakoa da. Hau da, Haur Hezkuntzako ­bigarren zikloa (3-6) eta Lehen Hezkuntza osoa (6-11).

Hezkuntza-bidaia ESTONIAra

Hezkuntza-bidaia ESTONIAra

Hik Hasik antolatuta, hezkuntza-bidaia egingo da martxoaren 28tik apirilaren 2ra Estoniara.

Zergatik Estonia? Euskal Herria bezala, ez delako oso herrialde handia, hizkuntza propioa duelako, herrialdearen antolaketan hezkuntzak garrantzia handia duelako, hezkuntza sistema parte-hartzailea eta deszentralizatua duelako, nazioarteko neurketetan hezkuntza-emaitza onak eskaintzen dituelako, eta abarrengatik.

1991n lortu zuen independentzia. Harrezkero, bere herri nortasuna eta hezkuntza propioa garatzen ari da etengabe.

EGITARAUA:

Martxoaren 28an, Bilbotik Tallin-era bidaia.

Martxoaren 29an, 30ean eta 31n, Estoniako hezkuntza sistema ezagutzeko hitzaldiak jasoko dira; Haur Hezkuntzako, Lehen Hezkuntzako eta Bigarren Hezkuntzako eskolak bisitatuko dira; Irakasleen formakuntza ezagutuko da, eta abar.

Apirilaren 1ean, bisita turistikoak egin.

Apirilaren 2an, Tallin-etik Bilbora.

Ezagutu AMARA BERRI eskola bertara joanez

Ezagutu AMARA BERRI eskola bertara joanez

Eskoletako Hezkuntza-Proiektu erreferentzialak ezagutarazteko ahaleginean, Hik Hasik antolatuta, AMARA BERRI ezagutzeko aukera eskainiko da otsailaren 26an eta 27an Morlans-eko eskolan bertan egingo diren jardunaldietan.

OTSAILAren 26an, ostirala, 18:00etatik 20:30era
Aurkezpen orokorra:
- 35 urteko ibilbidea.
- Hezkuntza Proiektua.
- Ezaugarri metodologikoak.
- Amara Berri Sarea.

OTSAILAren 27an, larunbata, 9:30etik 13:30era
Gaikako Ibilbideak: aurkezpenak eta bisitak geletara
- Haur Hezkuntza (2, 3, 4 eta 5 urte).
- Hizkuntzen trataera (euskara, gaztelera eta ingelesa).
- Matematika eta Zientzia, eskola aktibotik konpetentzietara.
- Hedabideak eskolan: telebista, egunkaria, internet...

Mahai ingurua
- Aurrera begira: zailtasunak, aukerak, erronkak...

EL MARTINET eskola

EL MARTINET eskola

Bartzelonako Ripolleteko El Martinet ikastetxea izango da azaroaren 20an eta 21ean Donostiako Irakasle Eskolan.

HAURRAREN AUTONOMIA jardunaldiak

Urtero bezala, aurtengo udazkenean ere, Haur Hezkuntzako jardunaldiak antolatu ditu hik hasi-k. "Haurraren autonomia" gaia hartuta, hainbat arlo jorratuko dira. Izango diren hizlariak:

-MYRTHA CHOCKLER psikomotrizista eta psikologian doktore argentinarra.

-XABIER TAPIA psikologo klinikoa.

-TERESA GODALL Bartzelonako unibertsitateko Irakasle Eskolako irakaslea.

-ALFREDO HOYUELOS. NUPeko irakaslea.