XVIII. Hik Hasi Udako Topaketak - 2017

XVIII. Hik Hasi Udako Topaketak - 2017

hik hasi proiektuak hemezortzigarren urtez antolatu ditu Udako Topaketa Pedagogikoak EHUko Hezkuntza, Filosofia eta Antropologia Fakultatearekin batera, uztailaren 3an, 4an eta 5ean ­Donostian eta EHUko Leioako Irakasle Eskolarekin batera, 6an eta 7an Leioan.
Ikastaroak eskaintzeaz gain, hainbat arlotako irakasleak elkartzeko eta beren esperientziak trukatzeko topaleku izatea ere nahi dugu. Bertan, hausnarketa, asmo, ideia, proiektu eta berrikuntzak plazaratuko dira.

Ordutegia
Ikastaroak: 9:00etatik - 14:00etara izango dira Donostian eta 9:00etatik - 18.30era Leioan
Arratsaldeetako saioak, Donostiako Pedagogian soilik: 16:00etatik - 18:30era

Kopuru mugatuko ikastaroak
Ikastaro horietan aurrena izena ematen dutenek eta hik hasiko harpidedunek izango dute lehentasuna.

III. HERRI HEZITZAILEA, ESKOLA HERRITARRA

Herri hezitzaile eta parte-hartzaile baten inguruko hausnarketan eta praktikan gabiltza duela bost urte Euskal Herriko hainbat herritar eta eragile; hala nola, Irrien Lagunak Kluba, HUHEZIko Sorguneak ikertegia, Lizarrako eta Iruñeko udal haur-eskolen taldea, Oarsoaldeko Garapen Agentzia, Arrasateko Txatxilipurdi euskara eta aisialdiko elkartea, Euskararen Topagunea, Ikastolen elkarteko aisialdiko taldea, Urtxintxa Bizkaia, Urtxintxa Gipuzkoa, Amarauna, Tabakalerako hezkuntza saila, Arremanitz elkartea, Pil-pilean elkartea, Ttakun kultur elkartea, Elgoibarko euskara elkartea eta Hik Hasi heziketa egitasmoa. Aipaturiko eragile horiek guztiak elkartuta gaude haurrentzako, gazteentzako, eta, oro har, herritar guztientzako egokiak diren herriak edo hiriak pentsatzeko, balioetan hezteko eta hainbat urrats emateko. Horrela, maiatzaren 19an eta 20an, jardunaldiak egingo dira Donostiako EHUn.

Trokonizko Waldorf-GEROA eskola

Rudolf Steiner-WALDORF pedagogian oinarritzen den "Trokonizko GEROA eskola" ezagutuko dugu martxoaren 25ean. Trokoniz Arabako herria da eta bertako eskolan egingo da jardunaldia.

EGITARAUA
9:00etan, materialaren jasotzea.
9:15ean, sarrera ONGI-ETORRIA.

9:30ean, AURKEZPEN OROKORRA: Rudolf Steiner-Waldorf pedagogia
11:00etan, hamaiketako-atsedena.

11:30ean, GEROA eskolaren Hezkuntza Proiektua:
-Ikuspegi orokorra (Haur Hezkuntza, Lehen Hezkuntza, Bigarren Hezkuntza)
13:30ean, Bazkari-atsedena.

15:30ean, TALDEKAKO bizipen praktikoa:
-Haur Hezkuntza.
-Lehen Hezkuntza.
-Bigarren Hezkuntza.
17:00etan, denok elkarrekin galderak, kezkak, iritziak, ekarpenak… egiteko aukera.
18:00etan, amaiera.

Bidaia Pedagogikoa FINLANDIAra

Bidaia Pedagogikoa FINLANDIAra

Apirilaren 17tik apirilaren 22ra bitartean bidaia pedagogikoa antolatu du Hik Hasik Finlandiara.
Hango Hezkuntza Sistema ezagutzeko, hainbat hitzaldi jasotzeaz gain, lau eskola, unibertsitatea eta abar bisitatuko dira.
40 kideko kopuru mugatua denez, Hik Hasiren harpidedunek izango dute lehentasuna.
Informazio gehiago: www.hikhasi.eus helbidean.

EGITARAUA:
Apirilaren 17an, astelehenean, Bilbotik Helsinkira joan.
Apirilaren 18an, 19an eta 20an, hainbat hitzaldi jasoko ditugu. Lau eskola ezagutzera joango gara: Haur Hezkuntza, Lehen Hezkuntza eta Bigarren Hezkuntza. Unibertsitate Irakasle Eskolan ere izango gara.
Apirilaren 21ean, ostiralean, turismo egiteko aukera egongo da.
Apirilaren 22an, Helsinkitik Bilbora itzuli.

Abenduaren 1etik 31ra izena emateko aukera.

ARRETA GOIZTIARRA

ARRETA GOIZTIARRA

Urtero bezala, aurtengo udazkenean ere, Haur Hezkuntzako jardunaldiak antolatu ditu hik hasi-k. "ARRETA GOIZTIARRA" gaia hartuta, hainbat arlo jorratuko dira. Izango diren hizlariak:

-XABIER TAPIA, psikologo klinikoa.

-ANNA LUNA, Kataluniako psikomotrizista eta prebentzioan aditua.

-ALVARO BEÑARAN, pedagogia terapeutikoan lizentziatua eta Bergarako Psikomotrizitate Eskolako irakaslea.

Italiako REGGIO EMILIAko 3-11 urte bitarteko eskola ezagutzen

Italiako REGGIO EMILIAko 3-11 urte bitarteko eskola ezagutzen

REGGIO EMILIAko Lehen Hezkuntza ezagutzen
Italiako Reggio Emiliako Udal Haur Eskolek, 0-6 urte ­artekoek, ospe handia dute mundu osoan. 50 urteko ­ibilbidea egin eta gero, duela 7 urte, Lehen ­Hezkuntzako proiektua garatzen hasi ziren. Prozesua amaiturik, garai egokia da Lehen Hezkuntzako proiektu horren ­ezaugarriak eta garapena nolakoa izan den ezagutzeko.
Horretarako, jardunaldia antolatu dugu URRIAren 15ean, larunbata, 9:00etatik 18:00etara, BILBOn. Guztia aurkezten, Maddalena TEDESCHI Reggio Emiliako pedagogia arduraduna eta Rosa BUONANNO Loris Malaguzzi eskolako hezitzailea arituko dira

Aurkezpen orokorra:
- Eskolaren ezaugarriak.
- Haur Hezkuntzako filosofia Lehen Hezkuntzara nola
eraman den.
- Lehen Hezkuntzako berezitasunak.
- Eskubide bereziak dituzten haurrekin nola jokatu.
- Eguneroko bizipenak.

Loris Malaguzzri eskola ezagutuko dugu, 3-11 urte bitarteko ­haurrekin garatutakoa da. Hau da, Haur Hezkuntzako ­bigarren zikloa (3-6) eta Lehen Hezkuntza osoa (6-11).