UDAKO TOPAKETEN 20. URTEAN

2019-10-01

AITOR MENDILUZE  BERTSOLARIA

 
 

Bakarrik eta libre heztea,

erdigunean haurra, gaztea

nola curriculum

estuak ditugun

zer da irakastea?

 

Bakarrik eta libre uztea

norberaren garapen askea

hezkuntza munduan,

helmugak buruan

norantza ikustea...

 

Hezkuntzan zergatik,

dihardu Hik Hasik

euskal hezkuntzaren talaiatik?

Topaketak lotuz

aukeraz, aholkuz,

hogei urte daramatza aukera bat sortuz.

 

Egiteko asko dugu

horrek elkartu gaitu gu.

Bakarrik eta libre hastea

indartzea, lantzea, haztea,...

pausoak emanez

eta elkarlanez

hobetu araztea...

 

Bakarrik eta libre piztea

kritikari ontzat iriztea

delako finean

gure ekinean

harago iristea.

 

Hezkuntzan zergatik,

dihardu Hik Hasik

euskal hezkuntzaren talaiatik?

Topaketak lotuz

aukeraz, aholkuz,

hogei urte daramatza aukera bat sortuz.

 

Egiteko asko dugu

horrek elkartu gaitu gu.

Doinua: Bakarrik eta libre, Imanol Urbieta