Albistea

Haur Hezkuntzako hezitzaileentzat formazio berritua, 8. promozioa

Haur Hezkuntzako hezitzaileentzat formazio berritua, 8. promozioa

0-6 ETAPAKO ADITU TITULUA  SUSTRAIETATIK AMETSETARA

Haur Hezkuntzako profesionalen prestakuntzan sakontzeko asmoz, haur txikiekin lanean aritzen diren hezitzaileei zuzenduta bi urteko formazioa eskainiko du Hik Hasi-k 2020-21ean, zortzigarrenez. Pertsonaren nortasunaren eraikuntzan hain garrantzitsua den 0-6 etapan bidelagun diren hezitzaileentzako aditu titulua, zaintzan eta pedagogia eraldatzaileetan espezialista.

Haurraren zaintzan eta heziketan diharduten hezitzaileei dago zuzendua, eta baita haurraren garapena ongi ezagutu nahi duten erizain, psikologo, psikoterapeuta, aisialdiko hezitzaile nahiz teknikariei ere.

Hiru formazio mota eta aditu titulu eskaintzen dira: 0-6 etapako aditu titulua zaintzako espezialitatean, 0-6 etapako aditu titulua pedagogia eraldatzaileetako espezialitatean, eta biak batera. Bi ikasturteak, lehen ikasturtea soilik edota bigarren ikasturtea soilik egiteko aukera dago.

Ikaslerro bakoitzean, gaian adituak diren Euskal Herriko nahiz kanpoko hezitzaileek emango dute prestakuntza saio presentzialekin (Pikler-Loczy instituta, Reggio Emiliako eskolak, Kataluniako Bressol eskolak, Heike Freire…) eta zentroetarako formazio-bisitekin osatuko da formazioa (Gasteizko Aiurri Montessori, Geroa Waldorf eskola..). Informazioa eta izen-ematea.

Albistea

Haurrak konfinamenduan (I) Mariaje Sarrionandia, pediatra: “Kezkatuta nago haurren egoera emozionalarekin; kalera ateratzeko lehentasuna eduki behar dute”

Haurrak konfinamenduan (I)  Mariaje Sarrionandia, pediatra: “Kezkatuta nago haurren egoera emozionalarekin;  kalera ateratzeko lehentasuna eduki behar dute”

Koronabirusaren hedapena ahalik eta azkarren kontrolatze aldera, konfinamendu osoa aldarrikatu zuten osasungintzako profesionalek alarma egoeraren lehen asteetan, baina behin konfinamendu erabatekoa altxatu delarik eta langile asko lanera itzuli direlarik, lehen planora atera da haurren premiak aitortzearen eta haiek modu ordenatuan kalera ateratzearen aldeko aldarrikapena. Ipar Euskal Herriko haurrak ateratzen dira, eta baita Europako herrialde gehienetakoak ere. Hik Hasik hainbat erreportajetan haurren egoera eta irteera aztertuko ditu, pediatra, psikologo, hezitzaile, arkitekto, eragile eta familiekin, besteak beste.

Albistea

Etxeak eskola bihurtuta; argazki bat Euskal Herriko ikastetxeei eta etxeei (eta III)

Etxeak eskola bihurtuta; argazki bat Euskal Herriko ikastetxeei eta etxeei (eta III)

Opor egunak lasaiagoak izan arren, aurreko asteetan eskola bihurtu diren etxeetan aldaketa asko ekarri ditu konfinamenduak. Etxeko lanak eta eskolako lanak elkarren artean gurutzatzen dira, ordutegiak eta lanak banatzeko zailtasunarekin. Ordenagailua eta Internet ia ezinbesteko bihurtu dira ikasleek etxetik ikasketak egiten jarrai dezaten. Hori bermatzen saiatzen ari dira eskoletatik. Etxeko hormen barruan gutxieneko errutina bat eta kontziliazioa erdiestea bihurtu dira helburu preziatuenak. Horra iristeko dauden zailtasunak eta bilatzen ari diren irtenbideak aipatzen dira erreportaje honetan.

Hazi Hezi

Amaia Serrano: “Kulturak eguneroko bizimodu azkarrean arnasa hartzeko aukera eskaintzen du, ez da denbora galtze bat”

Amaia Serrano: “Kulturak eguneroko  bizimodu azkarrean arnasa hartzeko aukera eskaintzen du, ez da denbora galtze bat”

Euskal kultur sorkuntzaren transmisioa biziberritzeko lanean ari da Amaia Serrano Mariezkurrena (Donostia, 1984) beste hainbat eragilerekin batera, saretu eta baliabideak eskaintzeko hezitzaile eta norbanakoei. EHU-ko hezkuntza fakultateko irakaslearen aburuz, ezin baita, egiteko hori irakasleen eta familien bizkar utzi: “Ematen du haurrak garenean fantasiazko munduan aritzeko eta gorputzaren kontzientzia garatzeko behar handiagoa dugula eta heldu ahala behar horiek desagertzen direla”.

Albistea

Nahia Idoiaga: “Denok gaude harrituta haurrak zein ausart eta 'heldu' ari diren portatzen; baina horrek ez du esan nahi guztiz ongi daudenik”

Nahia Idoiaga: “Denok gaude harrituta haurrak zein ausart eta 'heldu' ari diren portatzen; baina horrek ez du esan nahi guztiz ongi daudenik”

Haurrek koronabirusaren ondorioz ezarritako konfinamendua eta alarma egoera nola bizitzen ari diren ikertzen ari da KideOn elkartea. Bertako kide da Nahia Idoiaga EHUren Bilboko Hezkuntza fakultateko Bilakaera eta Hezkuntzaren Psikologia saileko irakasleak. Ikerketa egiteko (hemen klikatuta) haurrei eurei egoera honen inguruko marrazkiak egitea proposatzen diete, gaiaz mintzatzea, eta garrantzitsua deritzote familiek ikerketan parte hartzea, ikerlariek ebidentzia zientifikoak edukitzeko, eta halaber, seme-alabekin egoeraz hitz egin ahal izateko abagunea ezartzen duelako.

Idoiagak bere doktorego tesian osasun izurriteek emozioetan eta osasunean zer eragin duten ikertu zuen, eta perspektiba horretatik begiratzen dio oraingo osasun-krisi honi. Haurrak, eta egiten ari diren esfortzua errekonozitzea eta erdigunean jartzea beharrezkoa dela dio ikerlariak.

Albistea

Konfinamendua harrera zentroetan: “Konplexua da elkarren artean metro eta erdiko distantzia mantentzea”

Konfinamendua harrera zentroetan: “Konplexua da elkarren artean metro eta erdiko distantzia mantentzea”

Eskolak itxita daude eta umeak etxean, bakoitza bere etxean. Bai, konfinamenduan ohikoa bihurtu den argazkia da hori. Baina badira beste argazki batzuk ere; ume guztiak ez daude haien jatorrizko etxeetan, batzuk harrera zentroetan daude, eta horiek ere, une hauetan, eskolara joan gabe daude, denak zentroan.

 

Gipuzkoako Foru Aldundiaren eskumenekoa den Donostiako Zabalduz Uba zentroa da horietako bat. Zabalduz kooperatibak kudeatzen duen adin txikikoentzako larrialdi zentroa da eta 0-18 urte bitarteko umeak eta gazteak bizi dira bertan. Konfinamenduko egun hauetan egoera berria bizitzen ari dira, eta horren lekukotza eman diote Hik Hasiri Beatriz Maillo zuzendari pedagogikoak eta Onintze Kamino gizarte hezitzaileak.