Albistea

Haur Hezkuntzako jardunaldiak azaroaren 25ean eta 26an egingo ditu Hik Hasik

Haur Hezkuntzako jardunaldiak azaroaren 25ean eta 26an egingo ditu Hik Hasik

Haurraren hizketa izango da Hik Hasiren udazkeneko jardunaldietako gai nagusia: Hizketan hasi ezinik izenburupean, honakoa aztertuko dugu: haurrak zergatik hasten dira gero eta beranduago hizketan? Egunerokoan ikusten ari gara haurrak gero eta beranduago hasten direla hizketan, eskaintzen dizkiegun ahozko komunikazioa eta interakzioa gero eta urriagoak direlako. Berandutze horrek ondorioak izan ditzake haurren gaitasunean, pentsamenduaren eraikuntzan eta garapen integralean.

Matrikulazioa urriaren 14an zabalduko da.

 

Albistea

Oinherri: 10 urte eta gehiago betetzeko ilusio eta indarrez

Oinherri: 10 urte eta gehiago betetzeko ilusio eta indarrez

Irailaren 30ean Garaionen (Ozaeta) elkartu ginen Oinherriren 10. urteurrena ospatzeko, Euska Herri hezitzaile baten ametsa sortu zenetik 10 urteko ibilbidea egin dugula ospatzeko. Bertan izan ginen Hik Hasiko kideok, Oinherriren parte baikara sorreratik. Ospakizunetan murgiltzeko egun osoko egitaraua prestatu zuten baina ekintzak, helburu izan beharrean, elkar topatzeko, harremanak eraikitzeko eta ospatzeko bitarteko gisa proposatu ziren. Egun osoan zehar, Garaiongo ingurune ederrean, Oinherri osatzen dugun elkarteko kideak, herri hezitzaileen sareko udaletako ordezkariak, Barruandiako haurrak eta familiak elkartu ginen, komunitate giro goxoan.

Hazi Hezi

Etxeko hizkuntza erabakitzen

Etxeko hizkuntza erabakitzen

Haurrek ez dakarte ogirik besapean, ez eta hizkuntzarik ere. Helduon eta inguruneko eraginen esku dago zein hizkuntzari bota legamia eta etxeko labearen gozotasuna zeini eskaini. Etxe bateko hizkuntza zein izango den erabakitzeaz eta erabaki horri eusteko gakoez ariko gara ondorengo lerroetan, teoria eta bizipenak gurutzatuz.

Albistea

“Izaten ikasteko eta pentsatzen ikasteko” ikastaroan izena emateko azken egunak

“Izaten ikasteko eta pentsatzen ikasteko” ikastaroan izena emateko azken egunak

Zure ikasleen, haurren zein nerabeen, pentsamendu kritikoa eta sortzailea sustatzeko eta beraien arteko errespetuzko jarrerak abiarazteko baliabideak behar dituzu?

Online ikastaro teoriko-praktiko bat eskaintzen du Miren Camison haur filosofian adituak hezkuntzan inplikatutako irakasleentzat, pentsamendu kritikoa eta sortzailea ikasgeletara eramaten. Ikastaroari buruzko informazio zehatzagoa webgune eta bideo honetan dira.

Albistea

Oinherrik hamargarren urteurreneko festa egingo du ostiralean Ozaetan: Oinherri fest(a)

Oinherrik hamargarren urteurreneko festa egingo du ostiralean Ozaetan: Oinherri fest(a)

Oinherri herri hezitzaileen sareak hamar urte bete dituela ospatzeko, jaia egingo dute ostiral honetan, hilak 30 Ozaetan, Garaiongo Sorginunean. 

Albistea

Hik Hasik diplomak banatu dizkie 0-6 etapako formazioa jaso dutenei

Hik Hasik diplomak banatu dizkie 0-6 etapako formazioa jaso dutenei

Hik Hasiren 0-6 etapako aditu titulua jaso zuten 35 hezitzailek joan den larunbatean. Formazio honen 8. promozioko diploma banaketa ekitaldian izan ziren formazioaren koordinatzaile pedagogiko Kristina Goñi, Xabier Tapia psikologoa eta formazioko irakasleetako bat eta Mikel Agirrezabala Hik Hasiko formazio arduraduna. "Pandemia garaian hasitako formazioari bukaera ematea lortu dugu, eta zailtasunak zailtasun, zuen gogoak eta prestutasunak honaino ekarri gaitu", azaldu zuen Agirrezabalak. "Zorionak guztioi eta jarrai dezazuela heziketa lanean gogotsu eta emankor, Hik Hasi bidelagun izango duzue". Diploma banaketa Joxe Mari Agirretxe Porrotx, Josu Txapartegi Txapas eta Izarne Garmendia Hik Hasi kideek alaitu zuten soinuarekin denak dantzan jarriz eta denak mahai bueltan bazkaltzen bukatuz.