Albistea

'ANIZTASUN soziala eskolan: komunitatearen AHOTSAK' jardunaldia egingo da otsailaren 16an, Donostiako Irakasle Eskolan, goizez

'ANIZTASUN soziala eskolan: komunitatearen AHOTSAK' jardunaldia egingo da otsailaren 16an, Donostiako Irakasle Eskolan, goizez

Aniztasun sozialari erantzutea erronka handia da gaur egun gure eskoletan —nagusiki jatorriarekin eta maila sozio-ekonomikoarekin lotuta dagoenari—. Egoera honen aurrean esku-hartze eta proiektu integrala behar da, eskola-komunitate osoa kontuan hartuko duena eta lankidetza sustatuko duena. Hainbat ikastetxetan aurrerapauso nabarmenak ari dira ematen, Unibertsitatearekin lankidetzan. HH-ko eta LH-ko komunitate horien ahotsak jasoko dira jardunaldian, besteak beste, ondoko galderei erantzuteko:

- NOLA KUDEATZEN DUTE IRAKASLEEK ANIZTASUN SOZIALA?

- ZER BIZIPEN DUTE IKASLEEK?

- ZER BIZIPEN DUTE GURASOEK?

- ZER ROL JOKATZEN DU UNIBERTSITATEAK?

*Izen-ematea urtarrilean irekiko da

Hazi Hezi

Neguko Hazi Hezi-k ere ikusi du argia

Neguko Hazi Hezi-k ere ikusi du argia

Besteak beste, ondoko gaiak jorratu ditugu.

- Aho hizkuntza haurretan, erreportaje nagusian

- Ibon Agirrezabalaga Arremanitz Kooperatibako kideari elkarrizketa: "Tratu onak ez dira premisa, harremanak baldintza onetan bideratzearen ondorio baizik"

- Ziztada eta sabel hazia, bateragarri?

- Baby Led Weaning, bere kabuz jaten

- Olentzero existitzen al da?

- ‘Selfie’-ak, autoestimuaren itsu-gidari

- Kirol egokitua gurasoen bizipenetatik, 'Mintzo'-aren atalean

- Eztabaidagaia: LITERATURAn, gehiegi babesten al ditugu haurrak?

- Antziñe Mendizabal sormenaren atalean, Jon Maya Sein kultur gomendioak ematen, Nerea Mujikaren zutabea, Gaizka Izagirre Gaztezuloko zuzendaria Gaurkoa, kontsultak, proposamenak, albisteak, etab.

Albistea

Durangon izango gara, urtero bezala! Berrikuntzekin eta prezio bereziekin!!!!

Durangon izango gara, urtero bezala! Berrikuntzekin eta prezio bereziekin!!!!

Abenduaren 5etik 9ra bitartean ospatuko da 53. Durangoko Liburu eta Disko Azoka eta Hik Hasiko mahaia bertan izango da: Goienkale 86an. Labetik atera berritan irakurgai izango dira hik hasi-ren 233. zenbakia eta Hazi Hezi-ren 27. zenbakia, biak abenduko zenbakiak. Beste pare bat berrikuntza ere izango dira: Aniztasun sozio-ekonomikoa, kulturala eta linguistikoa monografikoa (33.na) eta Gaxuxa liburua. Horrez gain, hezkuntzan, irakaskuntzan eta heziketan lagungarri izan daitezkeen hainbat material egon dira mahaian. Gainera, Durango-n hik hasi aldizkarian harpidetza eginda, urtetebeteko Hazi Hezi aldizkariak doan jaso ditzakezu!

Hik Hasi

Abenduko 'hik hasi' aldizkaria kalean da

Abenduko 'hik hasi' aldizkaria kalean da

233. hik hasi aldizkarian ondoko gaiak landu ditugu:

- Ebaluazioa. Ikasitakoa ebaluatzeaz gain, ikasteko ebaluatzea xede

- Iñaki Alonso: “Egoera ekonomikoaren ondorioz, familia batzuetako seme-alabei euren garapenerako aukerak murrizten ari zaizkie”

- Sastrakadia naturagune, jolastoki, ikasgela, aisia-leku… bilakatu dute Karrantzako Kontxa Eskolan

- Pedagogo sortzaileak. Ramon Flecha

- Gure esperientzia SKOLAEn; berdintasunerako hezten

- Judoaren ekarpena gorputz hezkuntzarako

- Komunikazio Ez Bortitza ezagutzeko eta praktikatzeko bi material berri

- Ana Urrutiaren zutabea

Albistea

Jolasa eta jolas terapeutikoa

Jolasa eta jolas terapeutikoa

Azkoitiko Bizilore eskola aktiboak antolatuta, "Jolasa eta jolas terapeutikoa" formazioa eskainiko dute Euskal Herriko Jolas Terapia elkarteko kideek abenduaren 15ean.

Informazio gehiagorako, formazioa@bizilore.eus helbidean.

Jolas Terapia elkarteko informazioa, https://jolasterapia.eus/  helbidean.

Hik Hasi

Mexikoko Kalnemaxtiloyan eskola. Autogestioa, hizkuntza propioa eta magia

Mexikoko Kalnemaxtiloyan eskola. Autogestioa, hizkuntza propioa eta magia

* Txerra Rodriguez hizkuntza-aholkulariaren eskutik

Mexikoko Puebla estatuan igaro ditut hiru aste emankor, Cuetzalan herrian, hain zuzen ere. Garabidek eta Emunek sustatuta, Tosepan izeneko kooperatiba-taldeko nahualt hiztunekin aritu gara elkarlanean. Euren kooperatibetan hizkuntza-planak martxan jartzeko lankidetzan aritu gara. Baina, horrez gain, Kalnemaxtiloyan eskola ezagutzeko parada ere izan dut. Baina, eskolarekin hasi aurretik, testuingurua apur bat zehaztea gura izango nuke.