Albistea

Eusko Ikaskuntzak Euskal Herriko hezkuntza sistemaren gaineko hausnarketa saioa egin zuen larunbatean Kanbon

Eusko Ikaskuntzak Euskal Herriko hezkuntza sistemaren gaineko hausnarketa saioa egin zuen larunbatean Kanbon

Eusko Ikaskuntzak etorkizuneko euskal hezkuntza sistemaren inguruko herri hausnarketa abiatu zuen 2021ean eta pasa den larunbatean prozesu horren beste urrats bat egin zuen Kanbon. Euskal Herri osoko eragileak eta norbanakoak bildu ziren Euskal Herriko hezkuntza sistemaren etorkizuneko agertoki desiragarriak eta lehentasunak elkarrekin identifikatzera. Kanboko saioan eta bi ardatzen inguruko hausnarketa egin zen.

Albistea

Asteazkenean hasiko da 'Jirafaren hizkuntza' eta azken plazak eskura daitezke

Asteazkenean hasiko da 'Jirafaren hizkuntza' eta azken plazak eskura daitezke

Datorren asteazkenean, hilak 19 hasiko da Nerea Mendizabalen Jirafaren hizkuntza online ikastaroa. KEB Komunikazio Ez Bortitzean oinarritutako ikastaroa da eta komunikazioa eta harremanak eskolako elkarbizitzarako gako direnez, hori landu eta jarriko da praktikan. Ikastaroan parte hartzeko aukera dago oraindik, webgunean izena emanda.

Hik Hasi

Zein erronka ditu irakasleen prestakuntzak euskarazko kulturgintzaren transmisioa eta sustapena bermatzeko?

Zein erronka ditu irakasleen prestakuntzak euskarazko kulturgintzaren transmisioa eta sustapena bermatzeko?

Irakasleak euskal kulturan janzteko tresnak eta baliabideak behar direla aipatzen da maiz, kontzientzia hartu behar dugula eta ikasleei euskara irakaste hutsetik ikasleak euskalduntzera pasa behar dugula. Baina inoiz ez dugu horretarako egiturazko neurririk hartzen; administrazioek ez dute lehentasunen artean kokatzen, eta gainerako eragileak ez dira helburu horiek erdiesteko antolatzen. Eta bada garaia. EAEko curriculum berriak, adibidez, hezkuntza arautuan irakasleen gaitasun batzuk bermatzeko eskaera zehatzak eta neurri ekonomikoak hartuko ditu, eta sare publikoko irakasleek digitalizazioan trebatzeko bi urteko epea izango dute. Horretarako, inbertsioak egingo dira, eta ez du ematen inork zalantzan jarriko duenik irakasleek gaitasun digitala beharko dutela hezkuntzak etorkizunean izango dituen erronkei modu egokian erantzuteko. Baina, era berean, bestelako gabeziek (larriagoek) bere horretan jarraituko dutela ematen du: noizko kulturaren arloko trebakuntza? Noiz izango da derrigorrezkoa kulturan trebatuta egotea? Badirudi etorkizunean ere irakasleen ezagutza eta transmisio kulturala norbanakoaren borondate, identitate eta ideologien baitakoa izango dela. Ez baita hori herri honen lehentasuna, agi denez.

 

Albistea

Hezkuntza legeak euskara ikas- eta irakas-hizkuntza izatea eskatu dute euskalgintzako eta hezkuntzako eragileek

Hezkuntza legeak euskara ikas- eta irakas-hizkuntza izatea eskatu dute euskalgintzako eta hezkuntzako eragileek

Araba, Bizkaia eta Gipuzkoako Hezkuntza Legeari euskararen inguruko ekarpen osoa eta “integrala” egin dio Euskalgintzaren Kontseiluak eta Gasteizen aurkeztu du hezkuntzako eragile eta sindikatu nagusiekin batera; EHIGE, Euskal Herriko Ikastolak, HEIZE eta Hik Hasi eta euskal gehiengo sindikaleko ELA, LAB eta STEILASeko ordezkariekin.

Kontseiluko idazkari nagusi Paul Bilbaok aurkeztu du lege-proposamenaren edukia. Horrela, lehenik eta behin gogoan izan du, eragile guztiek kezka bera partekatzen dutela aurkeztutako lege-zirriborroaren inguruan: “behin eta berriro esaten ari gara lege berriak argi zehaztu behar duela zein izango den etorkizuneko hizkuntza-eredua Arabako, Bizkaiko eta Gipuzkoako hezkuntza-sisteman. Hori ez da argi geratu aurkeztutako zirriborroan. Hortaz, horixe da gure proposamenak bete nahi duen lehen gabezia”. Bilbaok adierazitakoaren arabera, “lege berriak zehaztapen-maila altua izan beharko du eraginkorra bada. Beharrezkoa da legeak argi eta garbi zehaztea zein den hurrengo hamarkadetan ezarriko den hizkuntza-eredua”.

 

Albistea

Gaxuxaren liburuaren edizio berria egin dugu

Gaxuxaren liburuaren edizio berria egin dugu

Gaxuxaren klarion magikoa haurren beldurrei buruzko ipuin bat da, Alvaro Beñaranek idatzia eta Oihane Beñaranek ilustratua. Orain edizio berria argitaratu du Hik Hasik eta dagoeneko salgai dago webgunean. Haurtzaroko lehen etapan oso ohikoak diren beldurrei aurre egiten laguntzeko egindako ipuin bat. Gure gizartean sortutako zenbait pertsonaia beldurgarrirekin, Gaxuxak (hau da, haur guztiek) bere klarion magikoa erabiliko du, beldurrak giltzapean sartzeko

Hik Hasi

Kalean da 271. 'Hik Hasi' aldizkaria

Kalean da 271. 'Hik Hasi' aldizkaria

  • Gai nagusia: Lehen Hezkuntza eraldaketaren gurpilean
  • Elkarrizketa: Antoni Zabala i Vidiela.“Eskolaren funtzioa erabakitzea hautu ideologikoa da: hezi egin nahi dugu ala ez?”"
  • Esperientzia: Bizikidetza eta hezkidetza eskuz esku
  • Ekarpena 1: Partaidetza edo lankidetza, autonomiaren giltza 0-3 adin-tartean
  • Ekarpena 2: Legearen aurreproiektuaren zirriborroari ekarpenak egiteko prest dira eragileak
  • Ahalduntze eskola: Noka Oñatiko ikastetxeetan
  • Proposamena: 'Ikusgela'
  • Atzeko atetik: Naroa Jaio Jaio