Albistea

EHUko Joxe Amiamak, HUHEZIko Amaia Arroyo-Sagastak eta NIEko Irene Lopez-Goñik eskainiko dituzte bigarren mintegiko ikastaroak, eta matrikula zabalik dago

EHUko Joxe Amiamak, HUHEZIko Amaia Arroyo-Sagastak eta NIEko Irene Lopez-Goñik eskainiko dituzte bigarren mintegiko ikastaroak, eta matrikula zabalik dago

COVID-19ak hezkuntzan eragin duen krisiaz hausnartzeko, eta urgentziaz gelditu, pentsatu eta gauzak onbideratzeko HIK HASIk antolatu duen laborategiko bigarren mintegia maiatzaren 19an abiatuko dugu, eta matrikulazioa dagoeneko zabalik dago. Bigarren mintegi honetan konfinamenduan garrantzi berezia hartu duten irakas-baliabide eta -metodologiak izango ditugu aztergai: teknologia digitalak (HUHEZIko irakasle Amaia Arroyo-Sagastarekin), etxerako lanak (EHUko irakasle Joxe Amiamarekin) eta ebaluazio hezigarria (NIEko pedagogia arduradun Irene Lopez-Goñirekin). Teoria bakarrik ez, praktika onak, hausnarketarako gakoak eta baliabide hauen erabilera okerraren arriskuez ariko dira hiru irakasleak, konfinamenduari begira bakarrik ez, bereziki irailetik aurrera baliabide hauek modu egokiagoan erabili ahal izateko helburuarekin. Izena eman daiteke hemen.

Hik Hasi

Ikastetxera ilusioa ekarri duen proiektua

Ikastetxera ilusioa ekarri duen proiektua

Ikasturte berezia izaten ari da 2019-2020koa Gasteizko Barrutia eskola publikoan, eta ez koronabirusak eragindako konfinamenduagatik soilik. Mugimendu berezia dago, ilusio berri bat antzematen da ikasleengan, gurasoengan eta irakasleengan. Eskolako atarian zintzilik dauden koloretako banderolek ere horixe adierazten dute. Eta Magnet-Erakarri proiektua da horren erantzulea. Hiru urterako abiatu duten proiektu honekin, artea ardatz hartuta ari dira curriculuma lantzen eskolan.

 

Albistea

COVID-19aren krisia hezkuntza hobetzeko balia dezagun, formazioa antolatu du Hik Hasik

COVID-19aren krisia hezkuntza hobetzeko balia dezagun, formazioa antolatu du Hik Hasik

Hiru mintegi egingo ditugu maiatzean eta ekainean. Aurrenekoa krisiak lehen planora ekarri dituen balioez hausnartzeko: zaintzaz, Nora Salbotxekin; askatasunaz, Ane Ablanedorekin; eta naturaren garrantziaz, Heike Freirerekin. Bigarren mintegian metodologiaz eta baliabideez hausnartuko dugu: etxerako lanez, Joxe Amiamarekin; ebaluazio hezigarriaz, Irene Lopez-Goñirekin eta IKTen alderdi gizatiarraz, Amaia Arroyo-Sagastarekin. Hirugarren mintegian familia eta eskola aztertuko ditugu Nerea Mendizabalekin; pedagogia sistemikoaren ikuspegitik, Aitziber Esnaola eta Larraitz Mendizabalekin eta Alvaro Beñaranekin. Mintegi osoa beharrean, ikastaroak era soltean ere egin daitezke. Guztiak online izango dira, eta matrikulazioa zabalik dago hik hasi-ren webgunean

Mintegiaren egitura honakoa izango da: Hiru ikastaro ditu, ikastaro bakoitza era soltean egin liteke. Matrikulatutako ikasleek irakaslearen bi bideo jasoko dituzte, berariaz egitasmo honetarako prestatuak, eta beste bizpahiru testu egokierarako hautatuak. Ikasleek euren erritmoaren arabera ikusi eta irakurri ahal izango dituzte bideo eta testuak, eta ostegunetan, 15:00etatik 16:20etara zuzenekoa egingo da Zoom bidez irakaslearekin, bertan, irakaslearen hitzaldi labur bat eta ikasleen galderei erantzungo zaie. Ikasleek galderak eta hausnarketak zuzenekoaren aurretik bidaltzeko aukera izango dute. Mintegiak urgentzia bati erantzuten dio, eta gelditzeko eta pausatzeko hausnarketak, batetik, eta gako eta praktika onak eskainiko ditu.

Albistea

Kristina Goñi: “Krisi honetatik aterako bagina gizartearen baloreak aldaturik eta gizarteak zaintzaren garrantzia ikusiko balu, ikasketa handia izango litzateke”

Kristina Goñi: “Krisi honetatik aterako bagina gizartearen baloreak aldaturik eta gizarteak zaintzaren garrantzia ikusiko balu, ikasketa handia izango litzateke”

Kristina Goñi Elizondoko Baztan haur-eskolako zuzendaria da. Duela zazpi urte 0-6 etapako formakuntza egin zuen, tituluaren lehen promozioan. Orain aditu-tituluaren bigarren ikasturtearen koordinazioa hartu du, eta prestakuntza indarturik abiatuko da irailean. Loris Malaguzzi, Maria Montessori, Rebecca eta Mauricio Wild, Rudolf Steiner (Waldorf pedagogia) eta Heike Freire autoreen ekarpenak landuko dituzte eta Kataluniako nahiz Euskal Herriko esperientzia interesgarriak ezagutzeko parada izango dute, Alvaro Beñaranek eskainiko duen formakuntza pertsonalarekin batera.

Hik Hasi

Josu Txapartegi eta Fito Rodriguez: “Herriarena dena publikoa da”

Josu Txapartegi eta Fito Rodriguez: “Herriarena dena publikoa da”

Josu Txapartegi Txapasek (Zarautz, 1946) eta Fito Rodriguezek (Gasteiz, 1955)
Eskola publikoa ez da Euskal Herrian behar dugun eskola publikoa liburua idatzi dute
(Delta argitaletxea), euren esperientziatik euskal eskola publiko nazionalaren bidean
ekarpen eraikitzaile bat egiteko helburuarekin.

Albistea

PSIKOMOTRIZITATE ERLAZIONALA izeneko urtebeteko formazioa eskainiko du Hik Hasik, laugarrenez; izen-ematea irekita dago

PSIKOMOTRIZITATE ERLAZIONALA izeneko urtebeteko formazioa eskainiko du Hik Hasik, laugarrenez; izen-ematea irekita dago

2020-21 ikasturtean, 0 eta 6 urte bitarteko haurrekin lanean ari diren hezitzaileentzako "Psikomotrizitate erlazionala: aukera berdintasunerako eta emozioen lanketarako" formazioa eskainiko da laugarrenez.

IZENA EMATEKO

PSIKOMOTRIZITATE ERLAZIONALA - EGITARAUA