Euskal Herria izena duen hizkuntza eta kultur errealitatea badela esan dio Miren Azkaratek Nafarroako Gobernuari

Nafarroako Gobernuak EAEko oinarrizko curriculuma ezartzeko auzi helegitea jarri ostean, Eusko Jaurlaritzako bozeramaile Miren Azkaratek dio, “gehiegizkoa dela EAEko curriculuma Nafarroako Foru Komunitatearen eskumenean esku sartzen dela” esatea. Izan ere, “zalantzarik gabe arrazoitu daiteke Euskal Herria izena duen hizkuntza eta kultur errealitatea izan dela historian, eta badagoela gaur egun ere”, dio bozeramaileak.

 

Lanbide Heziketa Irakatsi-Ikasi prozesua eraberritzen II Jardunaldia

Lanbide Heziketa Irakatsi-Ikasi prozesua eraberritzen II Jardunaldia

Aurten ere, Elgoibarko Makina Erreminta institutuak, Lanbide Heziketako jardunaldiak burutu ditu eta aretoa jendez gainezka izan da. Hainbat gai, marko beraren barnean, proiektuak pertsonetan oinarritzean, bakoitza bere lanaren jabe egiteko prozesuan eta motibazioaren lanketan. Filosofia honek beregain, ikasleak prozesuaren elementu aktibo bihurtzea dakar eta bertako esperientzia praktikoa ezagutzeko parada ere izan da.

 

Nafarroako gobernuak EAEko curriculum dekretua kritikatu du

Miguel Sanzen gobernuak, Eusko Jaurlaritzako Hezkuntza Sailak Curriculum dekretuarekin “Nafarroako errealitatean eta nortasunean eskua sartu” duela dio. Horren arrazoia, dekretu horrek “ Euskal Herriko ikuspegi propioan oinarrituz, ikuspegi global, plural eta irekia eraiki nahi duelako da, bere eremutzat Araba, Bizkaia, Gipuzkoa, Lapurdi, Nafarroa beherea, Nafarroa eta Zuberoa jasoz”.

 

Hezkuntza eztabaidagai asteartero Hikaateneoan

Hegoa nazioarteko lankidetza eta garapenari buruzko ikasketa institutuak, mundubildu proiektuaren barruan hausnarketa, eztabaida eta esperientzien trukaketa suspertu nahi du ikastetxeen artean. Horretarako, hainbat hitzaldi antolatu ditu hizkuntza eredu kritiko, demokratiko eta inklusiboa garatzeko hausnartuz.

 

 

Abian da kosmodisea, ikasle gipuzkoarrentzat ekimena

Abian da Gipuzkoako ikasle-gazteen artean kultura ekintzailea sustatzeko hezkuntza ekimen osatuaren edizio berrirako izen ematea. Kosmodisearen helburua, kultura ekintzailearen eta kultura digitalaren balioak sustatzeko helburuarekin.

 

Ostegun eta ostiralean SAREANen XXIII. Topaketak izan dira Gasteizko Europa Jauregian

Ostegun eta ostiralean SAREANen XXIII. Topaketak izan dira Gasteizko Europa Jauregian

Azaroak 15ean, osteguna, "Irakasleen lansariak, oraina eta etorkizuna" gaiaren inguruan mahaingurua izan zen, CCOO, ELA, LAB, STEE-EILAS eta UGT sindikatuen artean. Ostiralean berriz, hainbat gaien inguruan lantaldeetan jardun zuten egunean zehar, Irakasleen lansari desberdintasuna eta Testuliburuak eta ikasmaterialak erabiltzeko programak hizpide izanik.