Hik Hasi

1. buletina

HIK HASIko lagunok, agur,

Bistan duzue sortu berri dugun BULETIN DIGITALAren 1. zenbakia.

Euskal Herriko hezkuntzan gertatzen ari diren pasarte garrantzitsuenak agertuko dira bertan. Eta jakina, Hik Hasi egitasmoarenak ere bai.

ZORIONAK ETA ESKERRAK eman nahi dizkizuegu zuei guztioi Hik Hasiren egitasmoa babesten, indartzen eta gorpuzten laguntzeagatik. Ea, bada, gure hezkuntza hobetzen jarraitzen dugun, pausoz pauso, urratsez urrats, DENON ARTEAN.

 

1.000 ikasgela gehiago lau urtetan

Eusko Jaurlaritzako Hezkuntza Sailak jakinarazi duenez, 2012. urtean egun baino 1.000 ikasgela gehiago izango ditu Araba, Bizkaia eta Gipuzkoako heziketa zentroen sare publikoak. Hezkuntza Sailak aurkeztu duen ikastetxe publikoen azpiegiturak hobetzeko ezohiko planak jasotzen duenez, 700 milioi euroko aurrekontua izango da berrikuntzak egiteko.

 

Ikasle guztiak eskolan hasi dira

Irailaren bigarren astea iritsi da eta horrekin batera Euskal Herriko ikasle gehienek eskolarako bidea hartu dute gaur. Guztira, 284.000 ikasle hasiko dira gaur eskolan; 84.000 Nafarroan eta gainerakoak Araban, Bizkaian eta Gipuzkoan.

 

XABIER PORTUGAL gogoan

XABIER PORTUGAL gogoan

Ikasturte berriarekin batera zendu da Xabier Portugal, hainbat ekintzetan parte hartu duen irakasle euskaltzalea.

Euskal hezkuntzaren alde beti agertu izan duen jarrera eskertu nahi dio HIK HASIk. Zinema, telebista… eta oro har, irudiaren mundua izan da haren pasioetako bat. Asko lagundu digu arlo horretan. Askotan jo dugu Xabierren laguntza eta aholkuaren bila. Eta beti jakin izan du gure eskariei prestutasunez erantzuten.

Guztiagatik, gure eskerrik handiena azaldu nahi dugu.

 

Gaur hasi dira eskolan Iparraldeko ikasleak

Amaitu dira oporrak Lapurdi, Nafarroa Beherea eta Zuberoako ikasleentzat, eta gaur hartu dute eskolarako bidea udako atsedenaren ondoren. Seaskako ikastoletako kolegioko bigarren urteko haurrek, berriz, bi egun gehiago izango dituzte oporraldiaz gozatzeko etzi hasiko baitira lanean.

 

Ikasturte berri on!

Ikasturte berri on!

Iraila iritsi da eta horrekin batera bueltatu gara lanera. Udan motxilak indarrez bete ditugu eta gogotsu eta ilusioz heldu diogu 2008-2009 ikasturteari, datozen hilabeteek ekarriko dizkiguten erronkei aurre egiteko prest. Ikasturte berri on denoi!