Seaskarekin lortutako hitzarmena baliorik gabe utzi du Akademia Ikuskaritzak

Euskararen Erakunde Publikoak 2009ko xedeak eta aurrekontuak aurkeztu ditu eta horien artean, ez da agertzen Seaskaren eta Frantziako Hezkuntza Ministerioaren arteko hitzarmenik. Urtarrilean hasi ziren bilerak eta ekainean akordioa lortu zuten bi aldeek baina Paueko Akademia Ikuskaritzak abenduan jakinarazi duenez, adostutako akordioa ez du aintzat hartzen.

 

Hizkuntza ereduen lege proiektua gelditzeko eskatu dute ikasleek

Hizkuntza ereduen lege proiektua gelditzeko eskatu dute ikasleek

Eusko Jaurlaritzako Hezkuntza Sailak proposatu duen hizkuntza ereduen lege proiektuaren aurkako mobilizazio eguna izan zen asteazkenean. “Iruzurarren legeari ez!” lelopean ehunka ikasle atera ziren kalera haien ustez hizkuntza ereduen erreformak dituen hutsuneak salatzeko.

Hik Hasi

URTE BERRI ON DENOI!

Amaitzear da 2008. urtea eta hauxe izango da aurten jasoko duzuen azken buletina. Urtarrilean itzuliko gara albiste eta kontu gehiagorekin. Bitartean, ondo-ondo pasa oporrak eta URTE BERRI ON!

 

Darcosek erreforma atzeratu du

Darcosek erreforma atzeratu du

Xavier Darcosek, Frantziako Hezkuntza ministroak, gaur goizean iragarri duenez, hezkuntza erreforma atzeratu egingo dute, eta beraz, ez da datorren ikasturtean indarrean sartuko. Ikasleen protestak ikusita hartu du erabakia Darcosek. Dena den, horrek ez du esan nahi erreforma bertan behera geratuko denik, atzeratu dutela baizik.

 

Zuzentze neurriak jarriko dizkiete “jokabide ezegokia” duten ikasleei

Unibertsitatez kanpoko ikasleen eskubide eta betebeharrei buruzko dekretuak dioenez, jokabide desegokiak dituzten ikasleei neurri zuzentzaileak ezarriko dizkiete aurrerantzean. Arduradunek esan dutenez, helburua ikastetxeetako bizikidetza eta elkarkidetza hobetzea da.

 

Mobilizazioekin jarraituko dute gaur Iparraldeko ikasleek

Iparraldeko ikasle eta irakasleen protestek ez dute etenik, eta gaur mobilizazioekin jarraituko dute Lizeoetako ikasleek. Atzo arratsaldean 800 irakaslek hartu zuten parte Baionan izan zen manifestazioan. Guztien helburua bera da: Frantziako gobernuak egin asmo duen erreforma gaitzestea.