Michael Apple izango da ikas.kom kongresuan

Michael Apple izango da ikas.kom kongresuan

Eusko Jaurlaritzako Hezkuntza, Unibertsitate eta Ikerketa Sailak abian jarri duen Ikas Komunitateen Programa eta honen Hedapen Plana ezagutzera emateko, otsailaren 18 eta 19an ikas.kom kongresua izango da Bilboko Euskalduna Jauregian.

Hik Hasi

Elebitasunetik eleaniztasunera jardunaldiak

Elebitasunetik eleaniztasunera jardunaldiak

Euskarazko irakaskuntzak erronka berrien aurrean duen egoeraren analisia egingo da otsailaren 20an Iruñean, NUPen. Nafarroako hezkuntza eragile anitzen artean sortutako dinamikari jarraipena emanez, Sortzen-Ikasbatuaz elkarteak, ELA, LAB eta STEE-EILAS sindikatuek egitarau oparoa antolatu dute egun horretarako, beste hainbat elkarte eta eragileren laguntzaz. Hik Hasi dinamizazio lanak burutzen ari da prozesuan eta jardunaldietan. Landuko diren gai nagusiak, hizkuntzekiko planteamendu berriak, ikastetxetako hizkuntza proiektuak, ebaluazioa eta urrats berriak izango dira.

 

Eskolak Euskadunduk Mobilizazioak iragarri ditu urtarrilaren 25erako Gasteizen eta Iruñan

Iruzurrik ez! Eskolak euskaldundu behar du lelopean abiatu du kanpaina berria Euskal Herriak Bere Eskolak. Euskararen Erakunde Publikoaren Hizkuntza Plangintza, Nafarroako Gobernuak martxan jarri duen Euskararen Nafar Institutua eta Eusko Jaurlaritzaren Hizkuntza Ereduen proposamena iruzurra direla uste du EHBEk, eta ez dutela eskolaren bidez ikasleak euskalduntzeko balio.

 

Dirulaguntzak hiru urte arteko Araba, Bizkai eta Gipuzkoako haurren eskolatzean laguntzeko

Eusko Jaurlaritzako Etxebizitza eta Gizarte Gaietako Sailak hiru urte arteko umeak eskolatzerako laguntzetara 4,2 milioi euro bideratuko ditu.
Laguntza hau, lan baldintza ezegonkorrak dituzten familiei eta oinarrizko errentaren inguruan daudenei bideratua omen dago.

 

Eusko Jaurlaritzaren Bake Hezkuntzako planak "indarkeriari zilegitasuna kentzea" izango du xede

Giza eskubideetan eta Bakean oinarritutako Hezkuntza Plana onartua izan zen abenduaren 26an eta xehetasunen berri eman zuten Joseba Azkarraga Justizia sailburuak, Tontxu Campos Hezkuntza Sailburuak eta Jon Mirena Landa Giza eskubideetako zuzendariak. Aurkezpenean, Bake planaren helburua “indarkeriari zilegitasuna kentzea “ izango dela aipatu zuten.

 

Haurtzaindegi berria Maulen

Haurtzaindegi eraikin berria ireki dute Maulen, bi egitura zahar bateratuz. 45 haur jasotzeko gaitasuna izango du eta 15 langile izango dira bertan.