Irakasleentzako GITARRA ikastaroa

Irakasleentzako GITARRA ikastaroa

Ikastaro hau gitarraz deus ez dakienari zuzendua dago.

Solfeoa ez da arazo izango. Nozio minimo batzuk landuko ditugu, era sinplean eta inor larritu gabe. Praktikan izango du oinarria ikastaroak. Gitarran eta kantuan.

Aurreko ikastaroetan ehundik gora kanta landu eta ikasi ditugu. Erdiak baino gehiago eskola girokoak.

Klaseak, aurten ere, beste egunik ezean, ostiraletan izango dira. 18:00tan hasi eta 19:30ean amaituz.

Urriaren 23an hasiko dugu ikastaroa eta maiatzako azken ostiralean amaitu.

 

EAEko Hezkuntza Publikoa Gabonak arte protestan

EAEko Hezkuntza Publikoa Gabonak arte protestan

ELA, LAB eta Steilasek sektorekako lau greba egun eta orokor bat iragarri dituzte, Jaurlaritzak “ez dielako erantzun” beraien aldarrikapenei. Hartara, lan arloan, ikasturte berriak ez dio utziko zahar izateari Araba, Bizkai eta Gipuzkoako hezkuntza publikoan. Urtea bukatu arte egingo dituzten protesta ekintzen zerrenda zehaztu du LAB sindikatuko Maider Izagirrek, ELAko eta Steilaseko ordezkariekin batera egindako agerraldian. Besteak beste, sektorekako lau greba egun —azaroan, ostegunero— eta abenduaren 12rako greba orokorra iragarri dituzte. Eta jai edo zubia ez den ostiraletan, elkarretaratzeak egingo dituzte. Bat egitera gonbidatu dituzte ikasle eta familiak.

 

"Bizilore eskola aktiboa"ren jardunaldiak

"Bizilore eskola aktiboa"ren jardunaldiak

Azkoitiko BIZILORE eskola aktuboak antolatuta, bi jardunaldi pedagogiko egingo dira:

1. Pedagogia sistemikoaz zenbait pintzelada jardunaldia, irailaren 30ean eta urriaren 1ean, goizeko 10:00etan hasita, Azkoitiko Bizilore eskola aktiboan.

Emaileak: *Larraitz Mendizabal eta *Aitziber Esnaola. Masterrak Pedagogia Sistemikoan.

2. Lurrarekiko maitasunean hazi. Pedagogia berde bizipenak jardunaldia, urriaren 20an 17:00etan hasita, 21ean eta 22an, Azkoitiko Bizilore eskola aktiboan.

Emailea: *Heike Freire.

Informazioa eta izena ematea: www.bizilore.eus

Hazi Hezi

Arantxa Urretabizkaia: "Emakumezko idazleen amak ez dira ama hutsak, baina gizonezkoenak bai"

Arantxa Urretabizkaia: "Emakumezko idazleen amak ez dira ama hutsak, baina gizonezkoenak bai"

Ia 40 urte ditu ‘zergatik panpox’ liburuak. Baina gaur-gaurkoa da, aski bizirik dagoen klasiko bat, aldarrikatu beharrekoa. gero beste ama transgreditzaile bat sortu zuen ‘koaderno gorria’-n, eta haurtzaroaz eta zahartzaroaz ere modu berritzailean idatzi du urretabizkaiak.

 

BIZIPOZA jaia Derion

BIZIPOZA jaia Derion

BIZIPOZA laguntza berezia behar duten haurren 33 elkartek osatzen dute. Datorren igandean, goizeko 10:00etan hasita, ospatuko du aurtengo jaia DERIO herrian.

Hainbat gune egongo dira. BIZIPOZA osatzen duten elkarteen materiala, abesbatzak, jolasak, musika, ginkana, tailerrak, dantzaldiak, ipuinak, "Pirritx, Porrotx eta Marimototx", Kukute, Urrezko sagarra (Josu Camara), Atletic Club fundazioa, Kirol egokitua eta abar.

 

2017-18 ikasturte ederra opa dizu Hik Hasik

2017-18 ikasturte ederra opa dizu Hik Hasik

Hasiak gara lanean aspaldi, eta ikasleekin hasiak daude batzuk dagoeneko, gehienak gaur hasiko bazarete ere. Bada beranduago hasiko dena... Denontzako, 2017-2018 ikasturtea ederra izan dadila!  

Opari batekin dator gaurkoan Hik Hasi, inork baliatu nahi badu, badu aukera. Izan ere, 21. Hazi Hezi aldizkariko gaia zuen eskura jartzen du. Agian, egokia da zuen artean eta gurasoen artean zabaltzeko.