"Natura: eskola bizia" jardunaldia egingo dugu azaroaren 14an, Andoaingo Bastero Kulturgunean

2020-10-16

Naturak haurren garapenean, hala nola motorean nola kognitiboan eta sozializazio-mailan dituen onurez jabetuta, eta bereziki COVID-19aren testuinguruan aire zabalean egoteak dituen abantailak kontuan izanda, naturak heziketagune gisa dituen balioak mahai gainean jarriko ditugu azaroaren 14an Andoaingo Bastero Kulturgunean egingo dugun jardunaldian, Natura: eskola bizia izenburupean.

Dagoeneko izen-ematea zabalik dago Hik Hasiren webgunean.

 

 
 
"Natura: eskola bizia" jardunaldia egingo dugu azaroaren 14an, Andoaingo Bastero Kulturgunean

HUHEZIko eta Hazitegi  ikerketaguneko irakasle Iñaki Larreak egingo du sarrera hitzaldia, haurren garapenean aditua den irakasleak, hain zuzen, ere naturak egiten dituen mesedeak zerrendatuko ditu. Ondoren, Heike Freire pedagogia berdeetan aditua den irakasleak bi hitzaldi eskainiko ditu.

Ekoguneak baliabide praktikoak eskainiko ditu, Hernaniko zentroan nola hainbat ikastetxetan natura baliatzen ari dira heziketa-gune bezala, eta irakasleei gako zehatzak eskainiko dizkiete Ekoguneko hezitzaileek. Jardunaldia hainbat ikastetxetako esperientzien berri izanaz amaituko dugu.