Bizi euskal eskola! igandean Iruñean

2009-05-22

Bizi euskal eskola! lelopean egingo du Sortzen-Ikasbatuaz elkarteak urtero euskal eskola publikoaren alde egiten duen festa. Iruñean izango da, datorren igandean, eta Takoneran eta Antoniutti parkean izango dira ekitaldi nagusiak.

 
 
Bizi euskal eskola! igandean Iruñean

14. edizioa izango du aurten Sortzen-Ikasbatuazen jaiak, eta hiru gune nagusi izango dira: Takonera, Antoniutti parkea eta Gazte Gunea. 10:00etan emango diote hasiera jaiari Takoneran, eta hortik aurrera egitarau zabala izango da antolatzaileek aurreratu dutenez: musika taldeak, bertsolariak edota Pirritx, Porrotx eta Marimotots izango dira, beste askoren artean.

Aurten, Haur Esokolak Euskaraz plataformako kideek ere, jaian parte hartuko dute eta euren aldarrikapena zabalduko dute igandean: 0-3 urte arteko zikloa euskaraz eskaintzea, alegia.