Albistea

Finlandiako bidaiarako izen-ematea zabalik

Finlandiako bidaiarako izen-ematea zabalik

Apirilaren 14tik 19ra Finlandiara bidaia egingo dugu. 

Bidaian zehar, lehenik Finlandiako hezkuntza sistema ezagutuko dugu han bertan, eta ondoren, bertatik bertara Haur Hezkuntzako, Lehen Hezkuntzako eta DBHko ikastetxeak ezagutuko ditugu.

Bidaiaren inguruko informazioa esteka honetan kontsultatu daiteke. 

Izen-ematea ostiralean zabalduko dugu, webgunean. 

Albistea

BIRSORTU zabalik da

BIRSORTU zabalik da

Ostiralean ireki zituen ateak Birsortuk Arrasaten, Hik Hasi egitasmo pedagogikoaren eta Emaus Gizarte Fundazioaren proiektu berriak. Materialen berrarabilpena eta jasangarritasuna oinarri hartuta, heziketa, sormena eta kultura uztartuko dituen txokoa izateko bokazioz jaio da Birsortu.

Hik Hasi

BIRSORTU. Heziketa, sormena eta kulturari forma ematen

BIRSORTU. Heziketa, sormena eta kulturari forma ematen

Haurrek esperimentaziorako eta ikerketarako duten grinaren pizgarri izateko eta sormena lantzeko proiektu berri bati ekingo diote elkarrekin Hik Hasik eta Emaus Gizarte Fundazioak urtarriletik aurrera. Horrez gain, proiektuak helburu bikoitza izango du; izan ere, haurrekin prozesu hezitzaile, kultural eta sozial bat bultzatzea lortu nahi da, industriak baztertutako materialari balorea emanaz. Italiako Reggio Emilia eskolen Remida proiektuan du oinarria egitasmoak eta iaz hainbat ikastetxerekin egindako esperientzia pilotuarekin hasitako ibilbidean urratsak sendotzen jarraitzeko asmoa dute orain. Ikasturte honetan, Debagoiena eskualdean zentratuko da Birsortu proiektua eta Emausen Arrasateko eraikinean irekiko ditu ateak bere egoitzak urtarrilean. 

Albistea

Hik Hasi Txoriene saioan

Hik Hasi Txoriene saioan

Urtarrilaren 22ko saioa Hik Hasi euskal heziketarako egitasmoari eskaini zioten ETBko Txoriene sukaldaritza programan. Ordutebeteren bueltan, Hik Hasiren jardunari buruzko laburpen argigarri bat egin zuten Ainhoa Azpirotz eta Ainara Gorostitzu Hik Hasiko kideek Zigor Iturrietarekin batera. Alde batetik, hik hasi eta Hazi Hezi aldizkariez eta horiek egiteko atzeko lanaz, irizpideez, balioez eta helburuez aritu ziren. Eta bestetik, beste zenbait proiektu eta egitasmoren berri eman zuten: udako topaketak, jardunaldiak, urte osoko formazioa, bidaia pedagogikoak, Birsortu eta abar. Saioa ikusteko.

Albistea

Ostiralean irekiko ditu ateak BIRSORTUren guneak

Arrasaten egokitu da egoitza eta hasiera batean Debagoienako ikastetxe guztiei eta iaz Birsorturen esperientzia pilotuan parte hartu zuten 13 ikastetxeei bideratutako espazioa izango da.

Hik Hasi

Gazteak erdira. Ahalduntze bidean

Gazteak erdira. Ahalduntze bidean

Gazteez hitz egiten da erreportaje honetan, 16-30 urte birtarteko gazteez. Itxuraz alde handia eduki dezakete 16 urteko batek, 23 urtekoak edo 30ekoak, baina ezaugarri bat ia denek dute: ahalduntze bidean dira, baina oraindik erabat ahaldundu gabe daude. Gaur egun 30 urteko gazte asko oraindik emantzipatu gabe bizi dira. Hori da egungo paradoxa: prestakuntza handia dute, baina inguruak ez die laguntzen emantzipatzen eta beren kabuz bizitzen. Espazio egokiak eta boterea falta dituzte, besteak beste, erabat ahalduntzeko. Egoera hori mahaigaineratu zen EHUko Antropologia, Filosofia eta Hezkuntza fakultateak antolatutako Gazteen ahalduntzea jardunaldietan. Errealitateari argazki bat ateratzeko, gazteen hitza entzuteko eta proposamenak ezagutzeko aukera zabaldu zen bertan.