Joxe Mari Auzmendi hezkuntza bekaren lehen deialdia aurkeztu dute Hernanin

Joxe Mari Auzmendi hezkuntza bekaren lehen deialdia aurkeztu dute Hernanin

Hernaniko udaleko alkate Xabier Lertxundi, hezkuntza zinegotzi Oier Agirresarobek, Joxe Mariren alaba Izaro Auzmendik eta Hik Hasiko Mikel Agirrezabalak eta Ainhoa Azpirotzek aurkeztu dute beka.

Hernaniko alkate Xabier Lertxundik adierazi duen bezala, Euskal Herrian aitzindaria izango den beka baten berri ematen dute gaur Hernaniko Udalak, Joxe Mari Auzmendiren familiak eta HIK HASI egitasmo pedagogikoak. Joxe Mari Auzmendik bere ibilbide osoan jorratu zituen lau hezkuntza balioren inguruko  proiektuak lagunduko ditu Hernaniko Udalak eta HIK HASIk sustatuko hezkuntza bekak: hobekuntza pedagogikoa, euskara eta euskal kulturaren biziberritzea; herri hezitzailea eta inklusioa

Joxe Mari Auzmendiri egindako aitortza eskertu du Izaro Auzmendik familiaren izenean, “nahiz eta bera ez zen errekonozimendu zalea”. Eskerrak eman dizkie Hernaniko Udalari eta batez ere herriari.

Ekainaren 19an egingo dituzte Bizipozaren jardunaldiak

Ekainaren 19an egingo dituzte Bizipozaren jardunaldiak

Covid-19a Bizipozan: bizipenak, gogoetak eta irakaskuntzak izenbupean egingo dira Bizipozaren jardunaldiak, ekainaren 19an. Bizipozako elkarteekin egindako galdeketa eta elkarrizketatik jasotakoetatik ateratako ondorioak partekatuko dira bertan eta elkarteen testigantzak ere partekatuko dituzte jardunaldian. Guztieon artean ere, aurrera begira eman daitezkeen urratsen inguruan arituko dira hitz egiten. Izen ematea (online eta aurrez aurrekoa) zabalik dago. 

Tabakaleraren Eskola aldiriak, VII. edizioa eta Ikasgelatik Medialabera ekimenetan parte hartu nahi duten proposamenak jasotzeko epea irekita dago

Tabakaleraren  Eskola aldiriak, VII. edizioa eta Ikasgelatik Medialabera ekimenetan parte hartu nahi duten proposamenak jasotzeko epea irekita dago

Eskola Aldiriak deialdiaren helburua hezkuntza komunitatearekin arteari eta hezkuntzari buruzko lankidetza-proiektu bat garatzea da. Deialdi honek, lan egiteko moduak birpentsatzeko aukera ematen du hezkuntza-komunitatea indartzen duten ikasketa-prozesuak martxan jarriz.

Ikasgelatik Medialabera deialdiarekin  eskola esparrutik atera eta Tabakalerako Medialabean proiektu bat elkarrekin gauzatzea bilatzen du Donostiako zentroak. Espazio desberdin bat deskubritu eta eskaintzen dituen aukera guztiak erabiltzeko esperientzia da. Irakasleen eta Tabakalerako lantaldearen artean proiektua diseinatuko da, euren lan-esparru espezializatuekin uztartuz: pentsamendu kritikoa, teknologia (elektronika, errobotika, 3D inpresioa, animazioa eta bideo-jokoak), ikus- entzunezkoa (argazkilaritza, bideo eta zinema), soinua, autoedizio eta arte plastikoak.

‘Herri bat hezkuntzatik eraikitzen’ jardunaldia egingo du Oinherrik uztailaren 1ean Errenterian

‘Herri bat hezkuntzatik eraikitzen’ jardunaldia egingo du Oinherrik uztailaren 1ean Errenterian

Euskal Herriko hezkuntza komunitateko eragile ezberdinak bilduko ditu egun osoko jardunaldi batean Errenterian. Herri hezitzailearen ikuspegitik eta herriko hezkuntza proiektu integralak garatzeko egin daitezkeen ekarpenak lantzea izango da helburu nagusia. Izen-ematea zabalik dago Oinherriren webgunean. 

10.000 lagunetik gora elkartu dira Baionan, murgiltze ereduaren alde

10.000 lagunetik gora elkartu dira Baionan, murgiltze ereduaren alde

Euskarak murgiltzea behar duela eta Frantziako Kontseiluak Molac legearen aurka hartutako erabakia gaitzesteko milaka pertsona atera dira larunbatez Baionako kaleetara. Ikasle, irakasle, guraso, hautetsi, herritar eta euskal eragileak, 10.000 lagunetik gora, batu zituen manifestazioak. Ipar Katalunian, Britainan, Okzitanian, Altsazian edota Kortsikan ere egin ziren manifestazioak.